Sigrún Edda Björnsdóttir útskrifaðist frá Leiklistarskóla Íslands árið 1981 og hefur síðan leikið fjölmörg hlutverk á helstu leiksviðum landsins, auk þess að eiga farsælan feril í kvikmyndum og sjónvarpi. Hún hefur einnig getið sér gott orð sem leikstjóri, rithöfundur og handritshöfundur.

Sigrún Edda hefur hlotið fjölmörg verðlaun og viðurkenningar fyrir störf sín svo sem Grímuna, Edduna og Stefaníustjakann, og nú síðast var hún sæmd Riddarakrossi hinnar íslensku Fálkaorðu fyrir framlag sitt til leiklistar.