Haraldur Ægir Guðmundsson er kontrabassaleikari og tón- og textahöfundur. Hann leikur á rafbassa og gitar en frá árinu 2005 hefur kontrabassinn verið hans aðalhljóðfæri. Haraldur hefur leikið á mörgum þekktum jazzklúbbum í Evrópu og gefið út plötur með bæði erlendum og íslenskum tónlistarmönnum. Hann er mjög ötult tónskáld í bæði sunginni og spunatónlist og er að vinna að sinni tólftu plötu. Ásamt því að semja og gefa út og leika eigið efni, leiðir Haraldur vikulega tónleikaröð í Reykjavik.