Darri er CODA-barn (child of deaf adult/s) með BA-gráðu í japönsku og japanskri menningu ásamt meistaragráðu í menningarfræði. Hann vinnur hlutastarf sem kennari við táknmálsfræðideild Háskóla Íslands og er einn meðlima Táknsmiðjunnar þar sem hann og Magnús Freyr Magnússon kenna íslensk tákn á samfélagsmiðlum ásamt því að heimsækja skóla til að kynna íslenskt táknmál (ÍTM) og Döff/CODA menningu.

Darri hefur haldið fyrirlestur í Tjarnarbíói á Degi íslenska táknmálsins og semur reglulega ljóð og lög á ÍTM með það að markmiði að brúa bilið á milli heims heyrnarlausra og heyrandi.