Sex einræður úr Jedermann

Bjarni Frímann og Áslákur flytja Sex einræður úr Jedermann eftir Frank Martin. Verkið, sem var frumflutt árið 1943, byggir á sex einræðum úr siðabótarleikritinu Sérhver (Jedermann) eftir vínarskáldið Hugo von Hofmannsthal (1874—1929) sem flutt er ár hvert á Salzburgarhátíðinni. Í tónverkinu fylgjumst við með sex augnablikum úr lífi Sérhvers (Jedermann) þar sem hann tekst á við óumflýjanleika dauðans og afleiðingar gjörða sinna. Frank Martin (1890—1974) hafði leitað lengi að ljóðum þegar hann heillaðist af einræðum leikritsins sem honum þótti sýna greinilega hugrænt og sálrænt ferðalag á máta sem hreyfði við manni og var ætlun Martins að tjá þetta ferðalag í tónlistinni. Verkið er meðal mest fluttu verka Martins en hljómsveitarútgáfa þess frá árinu 1949 var flutt við góðar viðtökur af Sinfóníuhljómsveit Íslands og bandaríska barítóninum William Parker árið 1984.