Bjarni Snæbjörnsson útskrifaðist með BFA-gráðu sem leikari frá Listaháskóla Íslands árið 2007 og síðan þá hefur hann tekið þátt í fjölda leikverka hjá sjálfstæðum leikhópum og í öllum stofnanaleikhúsum landsins, þá helst Þjóðleikhúsinu og með leikhópnum Stertabendu. Ferill hans einkennist af fjölbreyttum hlutverkum sem ná yfir sígild verk, ný íslensk leikrit og söngleiki eins og t.d. Jesus Christ Superstar, Vesalingana, Stertabendu, Framúrskarandi vinkonu, Meistarann og Margarítu, Slá í gegn, Kardemommubæinn, Frost og Skammarþríhyrninginn. 

Hann var einn af höfundum og framleiðendum einleiksins Góðan daginn, faggi, sem sýnt var í tvö ár, fór í tvö leikferðalög um landið og hlaut Bjarni tilnefningu til Grímuverðlaunanna sem söngvari ársins árið 2022. Hann er jafnframt höfundur bókarinnar Mennska, sem hlaut Storytel-verðlaunin fyrir hljóðbók ársins árið 2026.

Bjarni hefur einnig komið að ýmsum tónlistarverkefnum og verið einn af framleiðendum og flytjendum tónleikaraðanna Ef lífið væri söngleikur og Söngleikjastælar, sem báðar eru helgaðar heimi söngleikjanna.

Samhliða sviðsstörfum hefur Bjarni starfað við kvikmyndir og sjónvarp og komið fram í fjölmörgum þáttum, kvikmyndum og auglýsingum. Hann starfar nú sem sjálfstæður sviðslistamaður, höfundur, kennari og blómabúðareigandi.

Nánari upplýsingar um störf hans í sviðslistum má finna á www.bjarnisnae.com.