Liam Kaplan lauk námi í píanóleik og tónsmíðum frá Oberlin Conservatory. Árið 2024 hóf hann störf hjá Sinfóníuhljómsveit Íslands og hann leikur einnig í Nýja Tríó Reykjavíkur sem stofnað var árið 2025. Liam hefur komið fram sem einleikari með ýmsum hljómsveitum, tekið þátt í fjölbreyttu tónleikahaldi bæði hérlendis og erlendis og sem tónskáld hefur hann hlotið viðurkenningar fyrir verk sín, meðal annars BMI-verðlaun ungra tónskálda árið 2019. Liam hefur gefið út nokkrar hljóðritanir, nú síðast EP-plötuna Sunflower Fields árið 2025.