Vera Hjördís Matsdóttir leggur stund á nám í klassískum söng á meistarastigi við Koninklijk Conservatorium Í Den Haag í Hollandi undir leiðsögn Frans Fiselier. Vera hlaut inngöngu á hið virta námskeið, Opernfest Prague sem fór fram í júlí síðastliðnum. Þar kom Vera m. a. fram Í Smetana Hall í Prag ásamt sinfóníuhljómsveit. Vera var í hópi þeirra 16 afburða námsmanna sem hlutu námsstyrk frá Landsbankanum árið 2023. Vera var einnig valin sem styrkhafi úr Styrktarsjóði Halldórs Hansen vorið 2020 þegar hún lauk bakkalárgráðu frá Listaháskóla Íslands. Kennarar hennar voru Hanna Dóra Sturludóttir, Kristinn Sigmundsson, Ólöf Kolbrún Harðardóttir and Þóra Einarsdóttir. Vera hefur sinnt ýmsum fjölbreyttum tónlistartengdum verkefnum á Íslandi sem og erlendis. Vera var flytjandi í myndbandsverki Hildar Elísu Jónsdóttur sem frumsýnt var í Gallerí Úthverfu í ágúst síðastliðnum. Vera er meðlimur í Trillutríóinu sem komu fram á tónleikum í maí síðastliðnum í Fríkirkjunni sem hluti af tónleikaröðinni ‘Á Ljúfum Nótum’. Vera kom fram sem einsöngvari í Oratorio de Noël eftir Saint-Saëns á tónleikum í Den Haag í lok árs 2022 en einnig sem einsöngvari á Jólasöngvum Kórs Akureyrarkirkju.